كلمات اغنية (( لازم نفترق )) وردة الجزائرية
كلمات : حسين السيد
تلحين : محمد الموجى
أول قضية حب فى دنيا الهوى
أنا و إنت يا قلبى اللى عشناها سوى
قضية بين قلبين فى دوامة ألم
أصعب ما فيها جرح بيعيش فى نغم
و أحلى ما فيها دموع من غير ندم
و أمر شئ فيها أنا خصم و حكم
****
إتنين حيارى عطاشى و القدر ثالثهم
خدهم فى موجة هنية قربت خطوتهم
شقوا ظلام الليل عدو بحور الشوق
والموج شايلهم شيل
جابوا القمر من فوق
وعشان يداروا فرحهم
زرعوا السما لبلاب
وما فكروش إن القدر بينهم وبينه حساب
تاهت خطاويهم و الموج غدر بيهم
لا تهاديهم يصبحهم و لا ليل يمسيهم
أصعب ما فيهاجرح يعيش فى نغم
أحلى ما فيها دموع من غير ندم
وأمر شئ فيها أنا خصم و حكم
****
يا حبيب قلبى ياريتك كنت قاسى
كنت خليت الدموع تروى جناين
و أمشى فيها بقلب خالى و فكرناسى
بس إنت مش كده إنت أكبر من كده
إنت خلتنى أعيش حب عمره ما يتنسيش
لو حكيت للناس غلاوته ولا ساعة
فى حلاوتها ألف يوم ما يكفيش
دوامة ألم أصعب ما فيها جرح يعيش فى نغم
أحلى ما فيها دموع من غير ندم
وأمر شئ فيها أنا خصم و حكم
****
غلاب يا حكم القدر مالناش معاك حيلة
والحب عند القدر دايماً مالوش حيلة
مش حقولك الوداع مش حقولك الوداع
الوداع معناه حبايب عمرهم فى الحب ضاع
وإنت حبك جوه قلبى ناره أقوى من الضياع
بس لازم نفترق مستحيل يتهنى قلبى
وغيره قلبه يتحرق
أنا طريقى من هنا وإنت طريقك من هنا
وكفاية إنى فى يوم حبيت
و أخذت أكتر مما تمنيت
بس لازم نفترق أيوه لازم نفترق
قضية حب بين قلبين فى دوامة ألم
أصعب ما فيها جرح يعيش فى نغم
أحلى ما فيها دموع من غير ندم
وأمر شئ فيهاأنا خصم و حــــــــــــــــــــــــــــكم
****
ليست هناك تعليقات:
إرسال تعليق